Қордай ауданының әкімі Рүстем Дәулет бастаған жұмысшы топ Мемлекет басшысының «Халық үніне құлақ асатын мемлекет» тұжырымдамасы барысында ауыл-аймақта тұратын көпшілік аудан орталығына бармай-ақ, өздерін мазалап жүрген мәселелерін жергілікті жерде ше

Қордай ауданының әкімі Рүстем Дәулет бастаған жұмысшы топ Мемлекет басшысының «Халық үніне құлақ асатын мемлекет» тұжырымдамасы барысында ауыл-аймақта тұратын көпшілік аудан орталығына бармай-ақ, өздерін мазалап жүрген мәселелерін жергілікті жерде шешуге мүмкіндік алды. Дүйсенбі күні аудан басшысының кезекті қоғамдық қабылдауы Отар ауылында жалғасып, іс-шараға құқық қорғау органдары мен халыққа қызмет көрсететін мекемелердің өкілдері қатысты. Ауыл тұрғындары #41 Кенен Әзірбаев атындағы орта мектебінің алаңына жиналып, басшылық өкілдеріне сұрақтарын қойды. Аудан басшысы ауыл тұрғындарын мазалап жүрген барлық сұраққа лайықты түрде жауап берді. Ал, мамандар қарапайым тұрғындарға ақыл-кеңестерін айтып, көмегін берді.