Кеңес әскерлерінің Ауған жерімен шығарылғанына 35 жыл толуына орай "Ауғанның от жалыны" тақырыбында бірыңғай ерлік сағаттары жүргізілді.

Ауған оқиғасының тарихи мағынасын аша отырып, соғыс ардагерлері туралы мәлімет беру. Тарихи деректердің маңызды екендігін ұғындыру, Тәуелсіздік жолында күрескен аға-апаларымыздың ерлігін мақтаныш ете отырып, оқушыларды ұлтжандылыққа, отанын сүюге тәрбиелеу мақсатында Отар ауылының мәдениет үйінің қызметкерлерімен бірлескен іс-шара өтілді. Іс-шараға мектептің 10-11 сынып оқушылары қамтылды.

"ДОСБОЛ-LIKE: Достық қолын ұсын" акциясы. Мақсаты: Балаларды дос болуға, ұйымшылдыққа, бауырмашыл болуға тәрбиелеу. Оқушыларға дос, достық туралы әңгімелей отырып, олардың достық қарым – қатынасын нығайту. Оқушыларды өзімшілдіктен, менмендіктен тағы басқа жаман әдеттерден аулақ жүруге үйрету, адалдыққа, шыншылдыққа тәрбиелеу. Оқушылардың адамгершілік қасиетін, бір-біріне деген достық сезімдерін нығайту.

Армия генералы, Халық Қаһарманы Нұрмағамбетов Сағадат Қожағметұлының 100 жыл толуына орай, 05.02.2024 жылы күні №30212 әскери бөлімінің жылжымалы үгіт-насихаттау тобы 8-9-10-11 сынып оқушыларының қатысуымен 1-кезең бойынша "Таныстырылым", 2-кезең бойынша "Ерлік сабағын"және концерттік бағдарламаларын ұсынды. Бірлескен іс-шара жоғары деңгейде жүргізілді.

№41 Кенен Әзірбаев атындағы орта мектебінің 9 және 11 сынып оқушыларымен №15632 Ә/Б қызметкерлері жастарды әскери қызметке тарту бойынша ақпараттық түсіндіру жұмыстарын жүргізіп өтті.

Оқушыларға кәсіби бағдарлы қолдау көрсету мақсатында жоспарға сәйкес "Кәсіпорындар мен ұйымдарға экскурсия өткізу" тақырыбында кәсіптік бағдар беруші С.О.Абдужапарова бастауыш 1-2 сынып оқушыларымен мектепішілік экскурсия жүргізіп өтті.

Жаңа Жыл! Жаңа күн! Бұл күн болмыстағы бояудың барлығын үміттен, қуаныштан алып, айналаға нұр болып шашылып, әр шаңыраққа шуақ болып тарайды. Қай - қайсымыз болсақ та осы мерекелік кештен келесі Жаңа Жылға дейін жүрегімізге есте қалатындай бір сезімді себелейміз, ол сезім бізді келесі Жылға дейін үмітпен жетелеп отырады. Жаңа Жыл әрбір шаңыраққа құт, береке, ырыс алып келсін! Мектебімізде 9-11 сыныптар арасында жаңа жылдық мерекелік кеш ұйымдастырылды.

Жаңа жыл - ең қызықты, қуанышты, ерекше мереке. Жаңа жыл – Ұлу жылы әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Әрдайым қажырлы қайратыңыздан күш, жылы жүздеріңізден нұр кетпесін. Жаңа жыл баршамыз үшін берекелі, мерекелі жыл болсын. Мектепалды даярлық, 1-8 сыныптарға жаңа жылдық шырша өткізу сынып жетекшінің құзыреттіліне қарай, мерекелік сынып сағаты (өзіндік формат бойынша) бекітілген кестеге сай ұйымдастырылды.

Кәсіподақ тарапынан жаңа жыл мерекесіне орай кәсіподақ мүшелеріне берілген сыйлықтан көрініс. Жаңа жыл барлығыңа тек қана жаңа қуаныш, жаңа бақыт, жаңа табыс алып келсін!

"Біртұтас тәрбие бағдарламасы" негізінде "9 айға - 9 іс шара" жобасы бойынша "Болашаққа хат" тақырыбы аясында 7-11 сынып оқушылары арасында шығарма жазу челленджі өтілді.